スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

這篇BLOG一點也不重要,看不懂也不要緊的

容許我,用廣東話寫一篇BLOG,我真係未試過用廣東話寫一篇BLOG!用廣東話寫日記我就試過,喺N年前,即係我仲係讀緊中學嗰陣時,差唔多有兩年都係用廣東話寫日記(網上)一日寫一篇,篇篇都過千字,如果宜家睇返都驚,邊嚟得咁多字!仲要好多都係喺MSN同人傾計既對白,句句精彩絕輪,有啲仲正過聽電台XD!只係唔知點解嗰時可以咁好記性!但係之後就無再用廣東話寫日記,所以好多廣東話字都唔太記得點打,打完仲要讀一次先肯定到我真係寫緊廣東話而唔係書面語,到底我係唔係以廣東話為母語既香港人啊bbbbb

今日無無謂謂咁上網周圍睇,發現宜家真係乜嘢人都寫BLOG,好多明星,無論紅唔紅都寫BLOG,真係多姿多采!不過我係好支持咁樣,因為BLOG真係一項非常親民既活動,如果我係你FANS,睇到你寫BLOG一定高興死,仲可以留言畀你,真係天大恩賜!雖然咁講,但係宜家喺香港我都無特別鍾意既偶像,所以我無乜特別反應。直至發現903開BLOG,呢個對我嚟講先至係大新聞!阿占、阿奴、朱,甚至之前強調唔寫BLOG既阿芝都寫BLOG!勁啊!903迷一定要去睇!唔知雲妮姐姐會唔會寫呢?

903 DJ's BLOG

至於點解我突然間用廣東話寫BLOG,因為見到幾個DJ同啲留言都係廣東話,興之所致就寫咗!結論都係覺得寫廣東話比起寫書面語難十倍!書寫都係寫書面語好!

Comment

管理者だけに表示を許可する

上記広告は1ヶ月以上更新のないブログに表示されています。新しい記事を書くことで広告を消せます。